Қазақтың ұлтық аграрлық университеті ұйымдастырған дәстүрлі бұл бәсеке биыл Олжас Сүлейменовтің 75 жылдығына арналды. Оған Қазақстан, Өзбекстан және Ресей елінен командалар қатысқан болатын. Ақтық сында құрамында мерейтой иесі өнер көрсеткен жарыс қожайындары Талдықорғанның «Жетісу» командасын 2:0 есебімен ұтып, турнир жеңімпазы атанды. Мұндай есеп 3 орын болған ойында да тіркелді. Онда Алматының «Пирамидасы» Павлодардың «Ертісінен» басым түсті. Жалпы бұл дүбірлі дода мамырдың 16-сы күні басталған болатын.
19:39, 18 Мамыр 2011
Олжас Сүлейменовтің 75 жылдығына арналған халықаралық турнирде Қазақ ұлттық аграрлық университетінің командасы жеңімпаз атанды
АЛМАТЫ. 18 мамыр. ҚазАқпарат /Ерлік Ержанұлы/ - Бүгін Алматыда волейболдан ардагерлер арасындағы 6-халықаралық турнир өз мәресіне жетті.