МАИ инспекторы Василий Максименко көшеде келе жатып, құлап қалған азаматты көреді. «Айналадағы адамдар ішімдік ішкен адам деп оған еш көңіл бөлмегенімен, жас инспектор жақын келіп, оның ауырып тұрғанын байқаған» деп жазады «Алаш айнасы » басылымы nur.kz порталына сілтеме жасап. Ер адам қант мөлшері түсіп кеткенін жеткізіпті. Қант диабетіне шалдыққан адамның қанында глюкоза мөлшері азаюынан гипогликемия ұстамасы болған. Бұдан адам есінен танып қалумен қатар, бас миы зардап шегуі де мүмкін. Алғашқы көмек ретінде науқасқа қант, тәтті шай немесе шырын беруге болады. МАИ қызметкері бірден дүкенге жүгіріп, балмұздақ сатып әкеп, құлап қалған адамға береді. Тәтті жегеннен азаматтың жағдайы жақсара бастайды. Кейін ол милицияға өзінің өмірін сақтап қалған құтқарушысы жайлы хабарлаған, инспектордың бұл әрекеті оң бағаланып, сыйақы беріліпті.
09:27, 15 Маусым 2012
Өмірін балмұздақ сақтап қалды
АСТАНА. 15 маусым. ҚазАқпарат - Харковь қаласында 23 жастағы МАИ инспекторы қант диабетімен ауыратын адамның өмірін сақтап қалды. Кейін инспекторға науқас адам алғысын айтып, сыйақы берген.