Бұл туралы бүгін Астанада өткен баспасөз мәслихатында Көлік және коммуникация министрлігінің Көліктің бақылау комитеті төрағасының орынбасары Әсет Асаубаев мәлім етті.
Оның сөзіне қарағанда, оң рөлді көліктер шамдарының жарық түсіру бұрышы еліміздің техникалық регламентіндегі талаптарға сай келмейді. Сондықтан да аталған көліктердің иелеріне жарық шамдарын сәйкестендіру туралы талаптар қойылып отыр.
Атап айтқанда, автокөлік иелері осы ескертуді келесі техникалық байқауға дейін орындауы тиіс. Яғни, әзірге техникалық байқаудан өтті деген куәлік аталған сәйкеспеушілікті ескерместен келесі техникалық байқауға дейін берілетін болады.