«Өкінішке қарай өндірістегі жазатайым оқиғалардың саны азаймай отыр. Еңбек министрлігі мүдделі мемлекеттік органдармен бірлесіп, қауіпсіздік талаптарының бұзылуына мұқият талдау жүргізу керек. Және де қауіпсіз еңбекті қамтамасыз ету жөніндегі іс-қимыл жоспарын өзектендіру қажет», - деді Үкімет басшысы бүгін Еңбек және халықты әлеуметтік қорғау министрлігінің кеңейтілген алқа мәжілісінде.
Оның атап өтуінше, Мемлекет басшысының тапсырмасымен ең төменгі жалақыны анықтау әдістемесі әзірленіп жатыр.
«Ол негізгі әлеуметтік-экономикалық көрсеткіштерді ескере отырып, ең төменгі жалақы мөлшерін белгілеуге теңгерімді тәсілді қамтамасыз етуі тиіс», - деді Әлихан Смайылов.