Ол ҚР ҰҒА академигі, экономика ғылымдарының докторы, профессор К. Сағадиевтің 75 жылдығына орай жарық көріп отыр. Онда мақалалар мен сұхбаттар, ғылыми айналымға алғаш енгізілген мұрағат құжаттары, фотосуреттер, сондай-ақ замандастарының, достарының лебіздері топтастырылған.
«Еліміздің білім-ғылым саласын дамытуға зор үлес қосқан халқымыздың біртуар азаматы - Кенжеғали Әбенұлының өмір жолы, ғылыми мұрасы өскелең ұрпаққа үлгі-өнеге. Сондықтан білімнің қара шаңырағында әйгілі ғалымды жастармен кездестіріп отырмыз», - дейді ҚазҰУ ректоры Ғалым Мұтанұлы.
Бұл Әл-Фараби атындағы ҚазҰУ-да «Өнегелі өмір» сериясымен жарыққа шыққан 19-шы кітап болып отыр. Бұған дейін - С. Зиманов, Қ. Бекхожин, Ө. Жолдасбеков, О. Сүлейменов, Ә. Бектұров, Ө. Сұлтанғазин, Б. Бірімжанов, Е. Ысмайылов, К. Смайылов, А. Мамытов, Т. Амандосов, М. Әженов, Т. Кәкішев, С. Сартаев, М. Барманқұлов, З. Қабдолов, Л. Рүстемов, Ә.Нұршайықов туралы еңбектер жарық көрген болатын.