ОРАЛ. 10 мамыр. ҚазАқпарат - Батыс Қазақстан облысында биылғы сәуірде өнеркәсіп кәсіпорындарындағы өнім бағасы наурызбен салыстырғанда 3,5 пайызға өсті.
Облыстық статистика департаментінен түскен мәліметке қарағанда, тұтыну тауарлары 0,1 пайызға, аралық тұтыну өнімі мен өндірілген өнім бағасы 3,6 пайызға қымбаттады.
Баға кен өндіру өнеркәсібінде 3,6 пайызға, өңдеу өнеркәсібінде 3,2 пайызға көтерілген. Электрмен жабдықтау, газ, бу беру және ауа баптауда тарифтер өзгеріссіз қалды.
Сәуір айында табиғи газ бағасы 0,1 пайызға, газ конденсаты 3,6 пайызға, шикі мұнай 3,7 пайызға өссе, ұн бағасы 0,9 пайызға арзандады. Төсек жаймалар 1,4 пайызға, газойль (дизельдік отын) бағасы 3,6 пайызға көтерілді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).