ОРАЛ. Шілденің 13-і. ҚазАқпарат /Елжан Ералы/ - Батыс Қазақстан облысында биылғы бірінші жартыжылдықта 12,3 млн. тонна жүк тасылса,
соның 12,2 миллионы - автомобиль, 0,1 миллионы өзен көлігінің үлесіне тиеді.
Облыстық статистика департаментінен ҚазАқпарат тілшісіне хабарлағанындай, жүк айналымы көлемі 599,6 млн. тонна-шақырымды құрады, бұл өткен жылғыдан 16,8 пайызға көп. Маусымда жүк айналымы көлемі 119,3 млн. тонна-шақырымға жетті, бұл мамырдағыдан 13,1 пайызға артық.
Облыста алты айда автомобиль көлігімен 117,6 млн. адам тасылған, бұл өткен жылғыдан 10,3 пайызға көп. Өзен кемелерімен саяжайларға дейін 14,0 мың адам жеткізілген, бұл 44,3 пайызға артық. Жолаушы айналымы көлемі 20,7 пайызға өсіп, 2085,6 млн. жолаушы-шақырымды құрады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).