ОРАЛ. Қаңтардың 11-і. ҚазАқпарат /Елжан Ералы/ - Батыс Қазақстан облысында ауыл шаруашылығы өнімдерін өңдеуге бағытталған кооперативтер құру қолға алынды,
деп хабарлайды ҚазАқпарат тілшісі облыстық ауыл шаруашылығы басқармасынан түскен мәліметке сілтеме жасап.
Қазіргі кезде өңірде ет өңдейтін «Жаңақала-ет», қымыз шығаратын «Қымыз», астық өндіретін «Табыс Ом» кооперативтері жұмыс жасайды. Оларға тиісті жабдық алу үшін сәйкесінше 28 млн., 50 млн., және 84 млн. теңге несие берілді.
Болашақта облыста 12 ауыл шаруашылығы тауарын өндірушілер бірлестігін құру жоспарланса, соның ішінде үш кооператив ет дайындау мен өңдеуге, алтауы қала маңындағы аудандарда сүт өндіруге бағытталмақ. Сондай-ақ «Бюллер» фирмасының жабдығымен жасақталған диірмен негізінде ұн өңдейтін, «Батыс Күнбағыс» АҚ базасында күнбағыс дайындап, өңдейтін және Шалқар көлінде балық өңдейтін кооперативтер құрылмақ. «Батыс» ӘКК» ҰК» АҚ-ға қызмет көрсету-дайындау орталықтарын ұйымдастыру үшін 2,2 млрд. теңге көлемінде қаржы керек екендігі жөнінде есеп берілді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).