ОРАЛ. 21 қаңтар. ҚазАқпарат /Елжан Ералы/ - Батыс Қазақстан облысында электрлік байланыс кәсіпорындары 2010 жылы 5489,9 млн. теңгенің қызметін көрсетті, бұл алдыңғы жылғыдан 3,5 пайызға артық.
Облыстық статистика департаментінен хабарлағанындай, халыққа қызмет көрсетуден түскен табыс 2972,2 млн. теңгені құрап, 2009 жылмен салыстырғанда, 10,1 пайызға көбейді. Әсіресе, Интернет қызметін пайдаланудан түскен табыс 1227,5 млн. теңгеге жетіп, 2009 жылғыдан 37,6 пайызға асып түсті.
Ауылдық жердегі байланыс көлемі 12,3 пайызға өсіп, 1336,8 млн. теңге болды.
Пошта және курьерлік байланыс кәсіпорындары бір жылда 260,1 млн. теңгенің қызметін көрсетті, бұл 2009 жылғыдан 1,2 пайызға кем.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).