ОРАЛ. Қаңтардың 10-ы. ҚазАқпарат /Елжан Ералы/ - БҚО-ның Тасқала ауданы Ақтау ауылында мәдениет үйі іске қосылды,
деп хабарлайды ҚазАқпарат тілшісі.
Аталмыш ғимаратты күрделі жөндеу жұмысын «SAER» ЖШС атқарды. Бұл мақсатқа 21,6 млн. теңге бөлініп, толық игерілді. Мәдениет үйі сахна киімдерімен, жиһаздармен қамтамасыз етілді.
Аудан әкімі Өтеміс Мырзағалиевтің айтуынша, 2008 жылы Шежін ауылдық мәдениет үйі 14 млн. теңгеге күрделі жөнделсе, өткен жылы сондай-ақ аудан орталығындағы мәдениет-спорт кешеніне осындай жұмыстар жүргізілді. «Жол картасына» сәйкес мұндағы спорт залы ретке келтіріліп, 17 млн. теңгенің жұмысын «Эксперимент» ЖШС атқарды. Биыл қаржы мүмкіндігіне қарай Мерей ауылдық мәдениет үйін жөндеу ойластырылып отыр.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).