«Мемлекет басшысының бастамасы бойынша қолға алынған «Игі істер» марафоны аясында жыл басынан бері 700-ден астам іс-шара жүзеге асырылып, 160 мыңнан астам мұқтаж азаматқа қолдау көрсетілді. Марафонға еліміздегі танымал 100-ден астам ірі ұйым қосылды»,- деді министр.
Оның атап өтуінше, волонтерлік қызметті дамытуда ең алдымен мемлекеттік органдардың тұрақты қолдауы аса қажет.
«Алайда, өкінішке қарай биыл өңірлерде қаржыландыру былтырғы жылмен салыстырғанда 4 есе төмендегені байқалады. Былтыр бұл мақсатқа 338,6 млн теңге бөлінсе, биыл тек қана 89 млн теңге қарастырылған», - деді Аида Балаева.