қаржының игерілмеуіне және мемлекеттік бағдарламалардың орындалмауына жауапты облыс әкімдерінің орынбасарларын қызметтерінен босатуды ұсынды.
Оның сөзіне қарағанда, ай сайын аталған тақырыпта селекторлық жиындар өткізіліп, тиісті қорытындылар жасалады. «Біз әкімдіктерге кінәлілерді әкімшілік түрде жауапқа тартуы үшін ұсыныс жасаймыз»,-деді министр.
Бұл тұрғыда Б. Сағынтаев құрылыс жұмыстарын уақытылы орындамаған бірқатар облыстық басқармалардың басшыларына сөгіс жарияланғанын жеткізді.
«Осыған байланысты Президент Әкімшілігі басшысының атына құрылысқа жауап беретін облыс әкімдерінің орынбасарларын қызметінен босату туралы ұсыныс енгізуді сұраймын»,-деп түйді ол.