«Бүгінгі күні өңірлерді дамыту жөніндегі бірыңғай бағдарламаны әзірлеу аясында министрлік тұрғын үйлерге толық терможаңғырту жүргізуге халықты ынталандыру тетіктерін пысықтап жатыр. Энергия тиімділігінің қол жеткізілген дәрежесіне байланысты субсидиялар бөлу көзделіп отыр», - деді ол.
Қ. Өскенбаевтың атап өтуінше, Қазақстан Республикасының 2011-2020 жылдарға арналған тұрғын үй-коммуналдық шаруашылығын жаңғырту бағдарламасы аясында терможаңғырту элементтерімен тұрғын үйлерді жөндеу жүргізілуде. Оның нәтижесінде жылу энергиясын 30 пайызға дейін үнемдеуге қол жеткізілуі тиіс.