Оңтүстік Қазақстанда қырым қанды безгегінен 54 жастағы ер азамат қайтыс болды
08:45, 26 Мамыр 2010
АСТАНА. Мамырдың 26-сы. ҚазАқпарат - Оңтүстік Қазақстанда қырым қанды безгегінен 54 жастағы ер азамат көз жұмды,
деп хабарлайды Төтенше жағдайлар министрлігінің баспасөз қызметінен.
Сарыағаш ауданының Береке ауылында тұратын науқас Шымкенттегі инфекциялық ауруханаға мамырдың 17-сінде «Ауыр жағдайдағы жіті энтерколит» диагнозымен түскен болатын. Келесі күні ол қалалық инфекциялық ауруханаға ауыстырылады, сол күні көз жұмады.
Мамырдың 25-інде дәрігерлер оған нақты диагноз - «қырым қанды безгегі» диагнозын қойды.
Баспасөз қызметінің дерегі бойынша, марқұммен қарым-қатынаста болған 63 адам қазір медициналық бақылауға алынды.