Оңтүстік Суданда ер адам 11 футбол жанкүйерін өлтірді
03:29, 07 Қараша 2016
АСТАНА. ҚазАқпарат - Тағы 16 адам қару ұстаған ер адамның шабуылынан жарақат алды, деп хабарлайды korrespondent.net.
Оңтүстік Судан астанасы Джуба қаласының маңында атыс қаруымен қаруланған ер адам ағылшын премьер-лигасын тамашалап отырған футбол жанкүйерлеріне қарай оқ жаудырды. Осы әрекеттің салдарынан 11 адам мерт болып, тағы 16 адам жарақаттанды.
Куәгерлердің сөздерінше, атыс қаруын ұстаған бірнеше адам 50 жанкүйер отырған ғимаратқа кіріп келген. Олардың біреу жанкүйелерге оқ жаудыра бастаған. Адамдардың барлығы осы сәтте жата қалған. Шабуылдаушылар ғимарат ішінде 10 минуттай болған. Куәгерлердің бірі оқ атқан азаматтың өзіне сенімді екенін және өзін еркін ұстағанын айтады.
Алдын ала мәліметтер бойынша, бұл жағдайға жанкүйерлер арасында туған жанжал себеп болуы мүмкін. Шабуылдың нақты себебі әзірге белгісіз. Полиция күдіктілерді іздестіруге кірісті.