ОРАЛ. KAZINFORM — Орал қалалық сотында блогер Айболат Бөкеновке қатысты үкім шықты.
А.Бөкенов сот үкімімен алаяқтық, бопсалау және қылмыстық жолмен тапқан ақшаны заңдастыру бойынша айыпты деп танылды.
Оған үш жыл мерзімге бас бостандығынан айыру жазасын қауіпсіздігі орташа қылмыстық-атқару жүйесі мекемесінде өтеу белгіленді.
Тергеу барысында ауыл және бірнеше аудан әкімі, депутат, шенеуніктер жәбірленуші ретінде танылды.
Сотталушы өз кінәсін мойындады.
Бұған дейін үйқамақта болған А.Бөкенов сот залында тұтқындалды.
Сот үкімі заңды күшіне енген жоқ.
Еске сала кетейік, бұдан бұрын БҚО-да шенеунікті бопсалаған блогердің үстінен қылмыстық іс қозғалғанын жазған едік.
Сондай-ақ, Оралда блогерге қатысты сот талқысы басталды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).