ОРАЛ. KAZINFORM – Орал қаласында 8-14 қыркүйек аралығында жылу-электр орталығында жоспарлы жөндеу және профилактикалық жұмыстар жүргізіледі.
«Жайықжылуқуат» АҚ бас директорының міндетін атқарушы Бекболат Қамешовтің мәлім еткеніндей, осы мерзімде ыстық су мен жылу-электр орталығынан берілетін электр қуаты уақытша тоқтатылады. Оның сөзіне қарағанда, электр қуатының тоқтатылуы қалаға жарық беруге әсер етпейді.
Сол секілді Орал қаласына қарасты Зачаган кентіндегі М.Мөңкеұлы ауданындағы № 1 қазандық 8 қыркүйек күнгі сағат 09.00-ден бастап 13 қыркүйектегі сағат 18.00-ге дейін жөндеуден өткізіледі. Осыған байланысты М.Мөңкеұлы көшесіндегі 101, 108, 108/1, 108/2, 108/4, 108/5, 108/6, 110/1, 120, 79, 81, 81/1 көпқабатты үйлерде, № 47 мектеп, № 6 емхана және дене шынықтыру-сауықтыру кешенінде ыстық су болмайды.
– Мұның бәрі алдағы жылыту маусымы кезінде қаланы ыстық су және жылумен үздіксіз қамтамасыз ету мақсатында атқарылып жатыр, - деді Б.Қамешов.
Еске сала кетейік, бұдан бұрын Батыс Қазақстанда қандай жылу нысандары жаңартылып жатқанын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).