ОРАЛ. KAZINFORM — Орал қаласындағы түзету мекемесінде 46 жастағы ер адам өзіне-өзі қол жұмсады.
БҚО полиция департаментінің баспасөз қызметінен мәлім еткеніндей, оқиға 13 тамыз күні болды.
«БҚО бойынша қылмыстық-атқару жүйесі департаментінің түзету мекемесінде 1978 жылғы жазасын өтеуші өз өмірін қиған. Аталған дерек Зачаган полиция бөлімінде тіркелді. Қазіргі кезде сотқа дейінгі тергеу амалдары жүргізілуде», - деп хабарлады ведомстводан.
БҚО бойынша қылмыстық-атқару жүйесі департаментінің баспасөз қызметі ақпаратты кейін беретінін жеткізді.
Еске сала кетейік, бұдан бұрын Батыс Қазақстанда 9-сынып оқушысының өзіне қол жұмсағанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).