«Батыс су арнасы» ЖШС-ның баспасөз қызметінен мәлім еткеніндей, Зачаган кентінде М.Мөңкеұлы және Қамбар батыр көшелері бойындағы су құбырларында жөндеу жұмыстары жүргізіледі.
«Жөндеу жұмыстары кезінде Көктем, Арман, Жақсы ауыл, Қазақ ауылы, Сарытау, Құс фабрикасы шағынаудандарында, сондай-ақ №10, 47, 38, 51 орта мектептеріне және Жәңгір хан көшесі бойындағы 51, 53, 55, 59, 61, 65, 67, 69-мекенжайлары бойынша көпқабатты үйлерге су беру тоқтатылады. Шамамен судан айыру мерзімі – 10 қаңтар күні сағат 12.00-ден 20.00-ге дейін» деп хабарлады ведомстводан.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).