ОРАЛ. ҚазАқпарат – Орал қаласы маңындағы орман арасынан әйел адамның мүрдесі табылды, деп хабарлайды ҚазАқпарат тілшісі.
БҚО полиция департаментінің ресми өкілі Болатбек Белгібековтің мәлім еткеніндей, 1981 жылғы әйелдің денесі қалаға қарасты Серебряков кентінен 7 шақырым жерде 18 сәуір күні сағат 17.00-де табылған.
Марқұмның денесінде зорлық-зомбылық белгілері болмаған.
Өлімнің себебін анықтау үшін мүрде сот-медициналық сараптамаға жіберілді.
«Әйелмен соңғы рет байланыста болған 1992 жылғы ер адам анықталды. Сот-медициналық сараптама қорытындысынан кейін түпкілікті процессуалдық шешім қабылданатын болады», деді ҚазАқпарат тілшісіне Б.Белгібеков.
Айта кетейік, әйел қалаға қарасты Круглоозерный кентінде тұрған. Ауыл тұрғындарының сөзіне қарағанда, марқұм ертең жер қойнына беріледі.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).