АСТАНА. ҚазАқпарат – Орал қаласында «Бәйтерек» жабық базары өртеніп жатыр, деп хабарлайды ҚазАқпарат тілшісі.
БҚО ТЖ департаментінің баспасөз қызметінен мәлім еткеніндей, оқиға 4 маусым күні Әбілқайыр хан даңғылы 80/2-мекенжайында болды.
«Сағат 22.53-те «Бәйтерек» жабық базарының сауда павильоны жанып жатқаны жөнінде хабар түскен. Оқиға орнында өрт сөндіру бөлімдерінен 23 адам 5 техникамен жұмыс істеп жатыр. Өрттің неден шыққаны, жалынның қанша аумақты шарпығаны анықталу үстінде», деп хабарлады ведомстводан.
Еске сала кетейік, бұдан бұрын БҚО-да белгісіз біреудің «Тойота Камри» автокөлігін жағып жібергенін жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).