ОРАЛ. ҚазАқпарат – Орал қаласында «Ел ырысы» базарында өрт шықты, деп хабарлайды ҚазАқпарат тілшісі.
БҚО ТЖ департаментінің баспасөз қызметі мәлім еткеніндей, оқиға 6 ақпан күні сағат 12.45-те болды.
Сырым Датұлы көшесінде орналасқан «Ел ырысы» базарында аумағы 145 шаршы метрді қамтыған өрттен тамақ және құрылыс заттарын сататын 5 сауда бутигі жанып кетті.
Сондай-ақ 7 бутиктің шатыры жанды.
«Тілсіз жау» сағат 14.48-де толықтай ауыздықталды.
Өртті сөндіруге жеке құрамнан 40 қызметкер 8 техникамен жұмылдырылды.
Қазіргі кезде келтірілген шығын, кінәлі адамдар анықталу үстінде.
Еске сала кетейік, бұдан бұрын Оралда 22 жастағы келіншекті өлтіріп, мәйітін өртеп жіберген тұрғынға үкім шыққанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).