ОРАЛ. 4 қазан. ҚазАқпарат - Бүгін «Конденсат» АҚ-ға қарасты «Нафта» сауда үйі» жаңа спорт залын ашты.
Оның ашылу рәсіміне қатысқан облыс әкімі Нұрлан Ноғаевтың айтуынша, мұнда «Конденсат» компаниясының қызметкерлері ғана емес, барша тұрғындардың спортпен шұғылдануына жағдай жасалмақ. Елбасымыз Нұрсұлтан Назарбаев халықтың жаппай салауатты өмір салтын ұстануы қажеттігін, осы мақсатқа мемлекет тарапынан қомақты қаражат бөлінуде екенін үнемі айтып келеді. Өңір кәсіпкерлері мен ірі компаниялары Орал қаласының көркеюіне өз үлестерін қосуда. Аталмыш спорт ғимараты - соның айқын бір дәлелі. Өз қызметкерлеріне жан-жақты жағдай жасай отырып, халық игілігіне спорттың бірнеше түрімен шұғылдануына арналған жаңа спорттық ғимарат тұрғызуы аталмыш кәсіпорынның әлеуметтік әріптестікке адалдығын аңғартады.
Салтанатты шарада түрлі спорттық ойын үлгілері көрсетіліп, би топтарының өнері тамашаланды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).