ОРАЛ. ҚазАқпарат - Оралда жас жігіт Жайық өзеніне батып кетті, деп хабарлайды ҚазАқпарат тілшісі.
БҚО ТЖ департаментінің баспасөз қызметінен түскен мәліметке қарағанда, оқиға бүгін Шымкент көшесі тұсында болды. Сағат 16.00-де Жайық өзеніне шомылуға жабдықталмаған жерден түскен 1994 жылғы жігіт батып кетті.
Жедел құтқару жасағының күшімен (5 құтқарушы, 1 жүзу құралы, 1 техника) марқұмның денесі сағат 18.30-да судан шығарылды.
Осымен өңірде жыл басынан бері 30 адам суға кетсе, соның 10-ы - бала.
Еске сала кетейік, бұдан бұрын БҚО-да ер адам жиенін құтқарамын деп екеуі де суға кеткенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).