ОРАЛ. ҚазАқпарат - Орал қаласына қарасты Круглоозерный ауылдық округі аумағында ауыл шаруашылығы мақсатындағы үш жер телімін жалға беру үшін конкурс жарияланды, деп хабарлайды «ҚазАқпарат» тілшісі.
Орал қаласы жер қатынастары бөлімінен түскен мәліметке қарағанда, 89,67 гектар, 240 және 852 гектар егістік жерлері 10 жылға жалға берілмекші. Конкурсқа жеке және заңды тұлғалар қатыса алады. Өтінімдерді қабылдау мерзімі 21 қараша күні аяқталады.
Конкурс қорытындысы 27 қараша күні белгілі болмақ. Онда арнайы білімі мен ауыл шаруашылығы саласында еңбек өтілі және ауыл шаруашылығы дақылдарын өңдей алатын техникасы барларға басымдық беріледі. Жерді иеленгендер оны сол егістік мақсатында пайдалануы тиіс.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).