ОРАЛ. ҚазАқпарат – Орал қаласының полицейлері балық тиелген екі автокөлікті ұстады, деп хабарлайды ҚазАқпарат тілшісі.
БҚО полиция департаментінің баспасөз қызметінен түскен мәліметке қарағанда, 27 сәуірге қараған түні Зачаган кентіндегі М.Мөңкеұлы көшесі бойында «Фольксваген Шаран» автокөлігі тоқтатылды.
1988 жылғы жүргізуші айдап келе жатқан автокөліктің кузовынан тиісті құжаты жоқ 800 кг қаракөз балығы табылды.
Сол секілді «Сарытау» шағынауданы маңында Ақжайық ауданының 1995 жылғы тұрғыны жүргізген «Фольксваген Гольф 3» автокөлігін тексерген кезде одан да құжаты жоқ 500 кг қаракөз балығы шықты.
Аталған деректер бойынша Шаған полиция бөлімі ҚР ҚК 196-бабы 1-бөлігіне (көрiнеу қылмыстық жолмен табылған мүлiктi иемдену немесе өткізу) сәйкес тергеу амалдарын жүргізуде.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).