ОРАЛ. ҚазАқпарат – Орал қаласының тұрғыны қолдан жасалған алкоголь өнімін сатқан, деп хабарлайды ҚазАқпарат тілшісі.
БҚО бойынша экономикалық тергеу департаментінің қызметкерлері суррогатты алкоголь өнімін өткізу дерегін анықтады.
Департамент мәлім еткендей, жедел іздестіру шаралары барысында Орал қаласының тұрғыны үйінде қолдан жасалған алкоголь өнімін сатқаны белгілі болды.
Қала тұрғыны аталған өнімді 5 литрлік ыдыста 7 мың теңгеге өткізген.
Барлығы 85 литр қолдан жасалған алкоголь өнімі тәркіленді.
Қазіргі кезде аталған дерек бойынша материалдар айыпты тұлғаны әкімшілік жауапкершілікке тарту үшін БҚО полиция департаментіне жолданды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).