ОРАЛ. 22 қараша. ҚазАқпарат /Елжан Ералы/ - Орал қаласының тұрғыны Т. деген әйел адам 21 қараша күні Еуразия көшесі бойында орналасқан «Қазақтелеком» АҚ ғимаратынан өз үйінің алдындағы телекоммуникация жәшігін жарып жіберемін деп хабарлаған.
Қала прокуратурасынан түскен мәліметке қарағанда, осыған байланысты «Қазақтелеком» АҚ қызметкерлері құқық қорғау органдарын шақырған. Аталған факті бойынша қала прокуроры Орал қалалық ІІБ Абай полиция бөлімі жедел тергеу тобымен және ІІД, ҰҚК БҚО бойынша департаменті, төтенше жағдайлар департаменті қызметкерлерімен бірлесіп оқиға орнын тексерген кезде ешқандай жарылғыш зат табылған жоқ. Жалған қоңырау шалынған болып шықты.
Т. өз іс-әрекетін телекоммуникацияны жөндеу кезінде тыныштық бермеген «Қазақтелеком» АҚ қызметкерлеріне ызаланғаннан деп түсіндірді.
Қазіргі кезде тергеуалды тексеріс жүргізіліп, оқиғаның себеп-салдары анықталуда.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).