ОРАЛ. ҚазАқпарат - Оралда Ұлттық ұлан жауынгерлері пышақпен жүрген ер адамды ұстады, деп хабарлайды ҚазАқпарат тілшісі.
ҚР Ұлттық ұланы «Батыс» өңірлік қолбасшылығының баспасөз қызметінен түскен мәліметке қарағанда, құрамында қатардағы жауынгерлер Ақжан Тұматаев, Ақылбек Сәрсенбаев, Анатолий Фау бар топ қала көшесінен күдікті ер адамды байқайды.
Топ басшысы А.Тұматаев Ұлттық ұлан жауынгерлерін көрген бойда бағытын өзгертіп, сытылып кетпекші болған адамның құжаттарын тексеру жөнінде шешім қабылдады.
Ақыры күдіктіні ұстап, куәлердің қатысуымен тексерген кезде одан пышақ табылды. Ер адам одан әрі анықтау үшін Орал қалалық ішкі істер басқармасына жеткізілді.
Қырағылықтары мен батыл қимылдары үшін аталған жауынгерлер 5517-әскери бөлім командирімен ынталандырылды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).