ОРАЛ. ҚазАқпарат - Бүгін түсқайта Оралда №1 қалалық емхананың екінші қабатында хирургия кабинеті өртенді, деп хабарлайды «ҚазАқпарат» ХАА тілшісі.
Облыстық денсаулық сақтау басқармасының баспасөз хатшысы Флюра Саматованың айтуынша, иіс шыға бастағаннан-ақ дәрігерлердің хабарлауы нәтижесінде өрт тарамай, уақтылы сөндірілді. Емханадан қызметкерлер мен келушілер сол бойда сыртқа шығарылды. Ең бастысы, зардап шеккендер жоқ.
«Бүгінге жазылған емделушілерге дәрігерлер үйлеріне барып, қызмет көрсетеді», деді ҚазАқпарат тілшісіне Ф.Саматова.
Қазіргі кезде оқиғаның себеп-салдары, келтірілген шығын анықталу үстінде.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).