ОРАЛ. ҚазАқпарат - «ҚазАрмаПром» ЖШС зауытында 223 қару балқытылды, деп хабарлайды ҚазАқпарат тілшісі.
Соның ішінде 149-ы - тегіс ұңғылы мылтықтар, 22-сі - травматикалық, 18-і - газды тапаншалар.
Облыстық полиция департаментінің баспасөз қызметінен түскен мәліметке қарағанда, бұлар - тұрғындар ерікті түрде тапсырған, сондай-ақ тәркіленген, сот үкімдерімен алынған қарулар. Олардың әрқайсысы комиссиялық тексеруден өткізіліп, тіркеліп, жоюға рұқсат берілген.
Осы қарулардың ішінде 1919 жылы Тула қару-жарақ зауытынан шығарылған наган да бар.
Қарулар балқытылғаннан кейін одан кемінде 200 кг металл алынады.
Айта кетейік, БҚО полиция департаменті қару жою шарасын әр тоқсан сайын өткізеді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).