ОРАЛ. ҚазАқпарат – Оралда 11 жасар қыз бала суға кетті, деп хабарлайды ҚазАқпарат тілшісі.
БҚО ТЖ департаментінің баспасөз қызметі мәлім еткендей, оқиға 7 шілде күні қалаға қарасты Серебряков кенті маңында болған.
Сағат 18.00-де 2009 жылғы қыз бала белгісіз жағдайда Көшім каналына батып кеткен. Ол достарымен бірге болған.
Қыздың денесін құтқарушылар (4 қызметкер, 1 техника) сағат 18.17-ден бастап іздестірді.
Марқұмның мүрдесін 21.00-де жергілікті тұрғын шығарып алды.
Еске сала кетейік, бұдан бұрын Оралда 6 жасар бала мен жасөспірімнің суға кеткенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).