ОРАЛ. 12 ақпан. ҚазАқпарат - «Жас отау» мемлекеттік бағдарламасы бойынша Оралда 1118 құжат қабылданды.
Қалалық тұрғын үй-коммуналдық шаруашылық, жолаушылар көлігі және автомобиль жолдары бөлімінің сектор меңгерушісі Арман Бисимбалиевтің айтуынша, аталмыш құжаттар екі апта бойы сұрыпталып, комиссия қарауына ұсынылатын болады.
«Жас отау» бағдарламасына сәйкес Орал қаласында әрқайсысы 90 пәтерлік төрт үй тұрғызылуда. Барлық пәтерлер бір және екі бөлмеден тұрады. Үйлер биылғы жазда пайдалануға берілмек. Комиссия пәтер иелерін балл жиынтығына сәйкес анықтайтын болады. Жоспар бойынша жас отбасылар үйдің құнын баспананы жалға алу ақысы ретінде ай сайын төлеп отырады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).