ОРАЛ. ҚазАқпарат - Кеше Орал қаласындағы «Светлячок» турбазасында қайғылы оқиға орын алды, деп хабарлайды «ҚазАқпарат» тілшісі.
Осында демалуға келген 1999 жылғы қыз Деркөл өзеніне батып кетті.
БҚО ТЖ департаментінен түскен мәліметке қарағанда, оқиға орнына жеткен құтқарушылар сағат 16.00-де марқұмның денесін судан шығарды.
Айта кетейік, бұл - биылғы осындай бірінші қайғылы оқиға. Бұдан бұрын құтқарушылар Шалқар көлінде төрт жас жігітті, Оралда Шаған өзенінде 12 және 5 жасар баланы құтқарып қалған болатын.
2015 жылы өңірде 29 (13-і - балалар), өткен жылы 20 адам (9-ы - балалар) суға кетті.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).