ОРАЛ. ҚазАқпарат – Оралда қос автокөлік соқтығысып, екі қыз ауруханаға жеткізілді, деп хабарлайды ҚазАқпарат тілшісі.
Оқиға бүгін Зачаган кентіндегі Жәңгір хан көшесі бойында болды.
«ВАЗ-2114» және «Ауди» автокөліктері соқтығысты. Соның салдарынан «ВАЗ-2114» автокөлігінің жүргізушісі мен жолаушысы зардап шекті.
Облыстық денсаулық сақтау басқармасының баспасөз хатшысы Айнагүл Сақпосынованың айтуынша, жедел жәрдемге сағат 11.36-да қоңырау шалынды. Бригада 11.41-де жетті.
Зардап шеккендердің екеуі де – 1997 жылғы қыздар. Алдын ала мәліметке қарағанда, жабық бас-ми жарақатын алып, миы шайқалған. Олар қалалық көпбейінді ауруханаға жеткізілді.
«Қыздардың біреуі амбулаторлық ем алуға жіберілді. Жабық бас-ми жарақатын алған екіншісінің жағдайы қалыпты», деді ҚазАқпарат тілшісіне А.Сақпосынова.
Еске сала кетейік, бұдан бұрын БҚО-да көлік аударылып, екі жігіттің қаза тапқанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).