ОРАЛ. ҚазАқпарат – Оралда екі жасар қыз бала үшінші қабаттағы терезеден құлап кетті, деп хабарлайды ҚазАқпарат тілшісі.
БҚО ТЖ департаментінің бастығы Жасұлан Жұмашев мәлім еткендей, оқиға 20 маусым күні кешкісін сағат 20.00-де болған.
Ә.Молдағұлова көшесі 16/1-мекенжайында орналасқан бес қабатты үйдің үшінші қабатындағы терезеден 2018 жылғы қыз бала құлап кеткен.
Сәби облыстық көпбейінді балалар ауруханасына жатқызылды.
Бұл – биылғы осындай төртінші оқиға.
Облыстық денсаулық сақтау басқармасының нақтылауынша, қыздың жағдайы ауыр. Ол бүгін жансақтау бөлімінен травматологиялық бөлімшеге ауыстырылды.
Еске сала кетейік, бұдан бұрын Оралда жасөспірімнің Деркөл өзеніне батып кеткенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).