ОРАЛ. ҚазАқпарат - Оралда 3 жасар бала 4-қабаттағы терезеден құлап кетті, деп хабарлайды ҚазАқпарат тілшісі.
БҚО ТЖ департаментінің баспасөз қызметінен түскен мәліметке қарағанда, оқиға бүгін сағат 16.30-да Зачаган кенті Қамбар батыр көшесі 6-мекенжайда орналасқан 5 қабатты үйде болды.
Ата-анасының қарауынсыз қалған 2018 жылғы бала төртінші қабаттан құлап кеткен.
Бала облыстық көпбейінді балалар ауруханасына жеткізілді.
Облыстық денсаулық сақтау басқармасының нақтылауынша, бала жабық бас-ми жарақатын алған, миы шайқалған.
Осындай тағы бір оқиға Сарайшық көшесі 55-мекенжайында болды. Бүгін сағат 03.04-те 1995 жылғы ер адам төртінші қабаттан құлап кеткен.
Ашық бас-ми және басқа жарақат алған ол мас күйінде болған. Ер адам қалалық көпбейінді ауруханаға жеткізілді.
Еске сала кетейік, бұдан бұрын БҚО-да автокөлік аударылып, жүргізуші мерт болғанын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).