ОРАЛ. ҚазАқпарат – Орал қаласында 37 жастағы әйел алты күннен бері іздестіріліп жатыр, деп хабарлайды ҚазАқпарат тілшісі.
БҚО Полиция департаменті баспасөз қызметінен түскен мәліметке қарағанда, Наталья Бондарь 20 маусым күні сағат 09.45-те Исатай – Махамбет көшесіндегі үйінен шығып кеткеннен оралмаған.
«Әйелдің бойы 160-165 см, шашы күрең, қысқа, көзі көгілдір. Үстіне сары көйлек киген. Бұрын да кетіп қалып отырған. БҚО Полиция департаментіне оның жоғалып кеткені туралы хабар 23 маусым күні түскен. Қазіргі кезде полиция қызметкерлері іздестіру іс-шараларын жүргізіп жатыр. Ақпарат білген адамдардың Орал қаласы полиция басқармасының кезекші бөліміне 8-7112-28-33-96, 21-17-19 телефон нөмірлеріне хабарласуы сұралады», - деді ведомстводан.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).