ОРАЛ. ҚазАқпарат - Орал қаласында көп қабатты үйлердің аула аумақтарын абаттандыру жұмысы қызу жүргізілуде.
Орал қалалық тұрғын үй-коммуналдық шаруашылық, жолаушылар көлігі және автомобиль жолдары бөлімі абаттандыру секторының жетекшісі Ержан Әубәкіровтің сөзіне қарағанда, биыл 370 млн. теңгеге 23 ауланы абаттандыру жоспарланған. Сондай ауланың бірі - М.Ықсанов көшесі 72/1 үйдің ауласында «Ремстройбыт» ЖШС күшімен кіреберіс жолдар асфальтталуда. Басқа да жұмыстар жасалатын болады.
Жалпы, қалада 150-ден астам аула аумағы абаттандыруды қажет етеді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).