ОРАЛ. ҚазАқпарат - Жыл басынан бері Орал қаласының мамандандырылған әкімшілік соты мас күйінде автокөлік руліне отырған 406 жүргізушіге қатысты әкімшілік істі қарады, деп хабарлайды «ҚазАқпарат» тілшісі.
БҚО сотының баспасөз қызметінен түскен мәліметке қарағанда, жол ережесін өрескел бұзған жүргізушілердің кінәсі медициналық куәландыру қорытындысымен дәлелденіп, оларға қатысты ҚР Әкімшілік құқықбұзушылық кодексі 608-бабына сәйкес әкімшілік хаттама толтырылды.
Соттың шешімі бойынша 16 адамға қамаққа алу түріндегі әкімшілік жаза тағайындалса, 390-ы 3 жылдан 5 жылға дейін көлік құралын басқару құқығынан айырылды.
Фото kazvesti.kz
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).