ОРАЛ. ҚазАқпарат – Оралда автокөлік тағы бір әйел адамды қағып кетті, деп хабарлайды ҚазАқпарат тілшісі.
БҚО полиция департаментінің баспасөз қызметінен түскен мәліметке қарағанда, оқиға бүгін түнгі сағат 00.40 шамасында болған.
1992 жылғы жүргізуші әйел «Мерседес Бенц-200Е» автокөлігімен Н.Назарбаев даңғылымен келе жатып, «Саяхат» аялдамасына жетпей, реттелмейтін жаяу жүргінші өткелінен 1966 жылы туған А. деген әйелді қағып кеткен.
Әйел жедел жәрдем келгенге дейін көз жұмды.
Медициналық куәландыру қорытындысына қарағанда, жүргізуші сау болған. Одан ешқайда кетпеу туралы қолхат алынды.
Автокөлік арнайы тұраққа қойылды. Жол-көлік оқиғасына байланысты сараптамалар тағайындалды.
Қазіргі кезде ҚР ҚК 345-бабы 3-бөлігіне сәйкес тергеу амалдары жүргізілуде.
Еске сала кетейік, бұдан бұрын Оралда автокөліктің әйел адамды қағып кеткенін жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).