ОРАЛ. ҚазАқпарат - Оралда жоғалып кеткен 83 жастағы қария іздестірілуде, деп хабарлайды ҚазАқпарат тілшісі.
Виктор Петрович Ярославцев 27 наурыз күні қаланың ескі бөлігіндегі Курени ауданы жақтан Жайық өзені арқылы өтіп, Учужный затондағы саяжайға барған. Бірақ қайта оралмаған. Үстінде қою-көк түсті жылы күртесі болған. Қол жүгі ашық-қоңыр. Бойы (165 см) еңкіш тартқан, арық.
Қарияның немересі Наталья Петрусева тума-туысқандарымен бірге полицияның да іздестіріп жатқанын айтты. Әзірге еш нәтиже жоқ.
«Қандай да бір мәдімет білетіндер болса, 8-777-581-80-45 телефонына хабарласса екен», - деді ҚазАқпарат тілшісіне Н.Петрусева.
Қарияны іздестіру жұмыстарына ТЖД-нің жедел құтқару жасағынан 5 қызметкер мен 1 техника, 1 жүзу құралы, сондай-ақ жергілікті полиция қызметкерлері қатысуда.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).