ОРАЛ. 7 мамыр. ҚазАқпарат - 7 мамыр күні ҚР Қарулы күштерінің құрылғанына 20 жыл толуына орай облыстық қазақ драма театрында өткен салтанатты жиында әскери қызметшілер марапатталды.
Шараға облыс әкімі Нұрлан Ноғаев арнайы қатысып, еліміздегі әскери қызмет саласының бүгінгі жетістіктерін айтты. Сондай-ақ әскери қызметтің абыройлы міндет екеніне тоқталып, сала қызметкерлерін айтулы мерекемен құттықтады.
Мерекелік жиында ҚР ІІМ Ішкі әскерлері Батыс құрамасының командирі, генерал-майор Бауыржан Әбжанов өңірдің шекара қызметшілерін, әскери прокуратура, әскери полиция, ҰҚК департаменті, әскери тергеу бөлімі, ҚР қорғаныс істері департаменті және жергілікті әскери бөлімдердің жетекшілеріне мерекелік медаль табыстады.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).