ОРАЛ. ҚазАқпарат – Оралда 15 жастағы мектеп оқушысы үйінен кетіп қалған, деп хабарлайды ҚазАқпарат тілшісі.
БҚО полиция департаментінің баспасөз қызметінен түскен мәліметке қарағанда, оқушы қыз үйінен кеше кешкісін шамамен сағат 21.00-де кеткен.
Анасы қызының жоғалып кеткені жөнінде сағат 22.26-да полицияға хабар берген.
Полиция қызметкерлері қызды түнімен іздестірді, тек таң ата оның қайда екенін анықтады.
Үй ішімен керіскен оқушының хат жазып, үйінен кетіп қалғаны белгілі болды.
Қазіргі уақытта қызбен және оның ата-анасымен ювеналды полиция инспекторлары түсінік жұмыстарын жүргізуде.
Айта кетейік, 2019 жылы полиция органдарына жоғалғандар жөнінде 632 шағым түсіп, соның ішінде 579 адам көп ұзамай табылған.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).