Орал қаласында ауа райына байланысты ұшақтар ұшпай жатыр, деп хабарлайды Kazinform.
«Орал халықаралық әуежайы» ЖШС баспасөз қызметінен мәлім еткеніндей, қолайсыз метеожағдайларға байланысты Астана-Орал-Астана рейсі тоқтатылды.
Сондай-ақ Франкфурт-Астана-Орал рейсі де кешіктірілді.
«Атырау-Орал-Атырау және Түркістан-Орал-Түркістан рейстері тоқтатылды. Айта кетейік, Орал әуежайы ашық, әуе кемелерін қабылдауға және жөнелтуге дайын. Бірақ ауа райын ескере отырып, әуе компаниялары қону туралы шешімді қабылдайды. Қазіргі уақытта қатты желге қоса қар толассыз жауып тұрғандықтан, әуе компаниялары рейстерді кейінге қалдыру жөнінде шешім қабылдады», - деп хабарлады ведомстводан.
Еске сала кетейік, бұдан бұрын Оралдан Таиландқа рейс ашылғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).