20:00, 05 Мамыр 2018

Оралда ауруханаға түскен 8 баланың жетеуі үйлеріне жіберілді

ОРАЛ. ҚазАқпарат - Оралда кеше мерекелік шара кезінде ауруханаға түскен 8 баланың жетеуі үйлеріне жіберілді, деп хабарлайды ҚазАқпарат тілшісі.

Облыстық денсаулық сақтау басқармасының баспасөз хатшысы Айнагүл Сақпосынованың айтуынша, қазір біреуі ғана облыстық көпбейінді балалар ауруханасында жатыр, оның да жағдайы қанағаттанарлық.

Олардың бәріне де вегетативті-тамырлы дистония деген диагноз қойылған. Яғни балалар ыстықтан әлсіреген. Кеше құлаған бір балаға бас-ми жарақатын алған және миы шайқалған деген алдын ала қойылған диагноз расталмады. Жеті бала амбулаторлық емделуге жіберілген.

Еске сала кетейік, кеше мерекеге дайындық кезінде басы айналған 8 оқушының ауруханаға түскенін жазған болатынбыз. Олардың бәрі де - қала мектептерінің жоғары сынып оқушылары.

Батыс Қазақстан облысы Оқиға
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).