ОРАЛ. 4 қыркүйек. ҚазАқпарат - 2 қыркүйек күні таңертең №35 бағытта жүретін автобус М. Өтемісұлы атындағы Батыс Қазақстан мемлекеттік университеті маңында 1994 жылғы қызды қағып кетті.
Облыстық ішкі істер департаментінің баспасөз қызметінен түскен мәліметке қарағанда, студент қыз жедел жәрдем жеткенше оқиға орнында көз жұмған. Ол жаяу жүргіншілер өтетін жерден өтпек болған.
Облыстық жол полициясы басқармасы бастығының орынбасары Сәкен Қайролдиннің мәлім еткеніндей, жүргізуші қызды көрмегенін айтады. Жүргізуші наркологиялық сараптамадан өткізілді, оның қорытындысы кейін белгілі болады. Оның жүргізуші ретінде барлық санаты және 26 жыл жұмыс өтілі бар.
Жас қыздың ғұмырын қиған автобус айып тұрағына қойылды.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).