ОРАЛ. ҚазАқпарат – Оралда автобус пен жеңіл көлік түйісіп, әйел адам ауруханаға түсті, деп хабарлайды ҚазАқпарат тілшісі.
Куәгерлердің сөзіне қарағанда, оқиға бүгін қала орталығындағы №8 орта мектеп аялдамасы маңында болды.
БҚО денсаулық сақтау басқармасының баспасөз қызметі мәлім еткеніндей, сағат 14.45-те Еуразия даңғылы бойында №43 бағытпен жүретін автобус пен жеңіл көлік соқтығысқан.
Соның салдарынан автобуста отырған 1976 жылғы әйелді жедел жәрдем қалалық көпбейінді ауруханаға жеткізді. Әйел иығы мен оң бүйрегін соғып алған.
Қазіргі кезде оқиғаның жай-жапсары анықталу үстінде.
Еске сала кетейік, бұдан бұрын Оралда пойыз қағып кеткен ер адамның көз жұмғанын жазған болатынбыз.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).