Оралда автобус тұрғын үймен «түйісті»
18:17, 11 Желтоқсан 2017
ОРАЛ. ҚазАқпарат - Бүгін сағат 14.00-дер шамасында Достық даңғылы бойында оқыс оқиға болды, деп хабарлайды «ҚазАқпарат» тілшісі.
БҚО ішкі істер департаментінің баспасөз қызметінен түскен мәліметке қарағанда, №35 бағытпен жүретін автобус қарсы шығып қалған көліктен жалтарамын дегенде көп қабатты тұрғын үйдің (Достық даңғылы, 160) қабырғасына барып соғылған. Төрт адам медициналық жәрдем алуға жіберілген. Қатты жарақат алған ешкім жоқ.
Қазіргі кезде оқиғаның мән-жайы анықталу үстінде.
Айта кетейік, бұл автобустың қатысуымен болып отырған бірінші жол-көлік оқиғасы емес. Бұдан бұрын да автобустар мен өзге көліктердің соқтығысуы салдарынан көптеген адам жарақат алған болатын.