ОРАЛ. Ақпанның 3-і. ҚазАқпарат /Ғайсағали Ералы/ - Оралда автобуста жүру ақысы арзандап, 45-тен 35 теңгеге түсті,
деп хабарлайды ҚазАқпарат тілшісі.
Қаладағы жолаушылар көлігінде жолақы өткен жылдың қыркүйегінде қымбаттаған болатын. Бірақ содан бері жанар-жағар май құны әлдеқайда төмендеді. Сондықтан енді ересектер автобуста 35 теңгеден, балалар 15 теңгеден төлейді. Мұндай баға қаладағы барлық бағыттарда белгіленіп отыр.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).